Права на корисници

За да управувате со корисничките права, во левото мени одете во Корисници/Вработени и изберете ја опцијата Корисници и права. Кога ќе ја отворите оваа секција, ќе забележите дека администраторот е веќе внесен и тој ги има сите права во системот.

Исто така, имате можност да креирате нов корисник со ограничени права на копчето (+). При креирање нов корисник, потребно е да внесете емаил и лозинка за корисникот. Дополнително, мора да се внесат име и презиме за корисникот за да може да се зачува профилот. Постојат и дополнителни опции, како што е копчето активен, кое ако е означено, значи дека корисникот ќе биде активен и ќе може да пристапи до системот.

Право на модули

При доделување на права, можете да одредите кои модули ќе бидат достапни за тој корисник. За да додадете нов модул на корисникот, кликнете на копчето + и одберете го посакуваниот модул. Дополнително, имате можност да одберете дали тој модул ќе биде почетен модул — што значи дека тој ќе се отвори прв при најавување на корисникот.

Право на фирми

Во вториот таб Фирми, потребно е да се одбере фирмата во која е креиран корисникот. Ова гарантира дека корисникот е поврзан со точната компанија и има соодветен пристап до податоците поврзани со таа фирма.

Право на работни единици

Во третиот таб раб. единици, потребно е да се одберат работните единици до кои ќе има можност да пристапи корисникот. Ова овозможува корисникот да работи само со податоците поврзани со одредени работни единици, што помага во организацијата и контролата на пристапот.